Barkan ku da war haka da kuma sannun ku da dawowa Duniyar Geography. Zamu fara ne da asali ko tarihin Geography. Don mu san wadanda suka yi rubuce-rubuce da aikace-aikace a tsawon tarihi, don ganin cewa Geography ya kai inda ya kamata. Kamar yadda Turawa ke cewa; "If you don't know where you are coming from, you will not know where you are going". Ma'ana idan baku san inda kuka fito ba, baza kun san inda za ku dosa ba. Haka kuma Hausawa na cewa; "waiwaye adon tafiya". Don haka, a yau tuna baya zamu yi, tare da lissafo wadanda suka taka rawar gani wurin cigaban Geography zuwa iyau. Geography na daga cikin daddadun fanin ilimi. Dayawa cikin Girkawa na ganin Homer ne ya fara rubutaccen Geography wanda aka samu cikin littattafan sa biyu masu taken Iliad  da Odyssey   wanda littattafan zube ne amma sun na kunshe da Geography masu amfani. Yayi wadan nan ayyukan ne a karni na takwas (8) B.C. A wannan lokaci ba'a fara amfani da kalmar Geography ba don nun...

Geography wani bangare ne na kimiyya da ke  nazarin siffofin duniya ( sararin samaniya (atmosphere), kasa (lithosphere), ruwa (hydrosphere), kankara (cryosphere), rai (biosphere) da sauran su, da kuma ayyukan ɗan adam da yadda take shafar shi, ciki har da rarrabuwan jama'a da albarkatu da ayyukan siyasa da tattalin arziki.   An samo wannan hoto daga thinklink.com Geography fanin karatu ne da aka dade ana masa mummunar fassara ko in ce fahimta. Wanda akwai fittcen labarin nan da wani dalibi da bai gane karatun Geography yake tambayan mai tallan maganin gargajiya, ko yana da maganin Geography? amsan da ya fito daga bakin mai tallan maganin nan shine: "Joga-Joga Mugun ciwo, shi ya kashe kaka na". Duk wani da zaka samu yana samun cikas a fahimtar Geography, da zaran ka tambaye me yasa bai ganewa, amsan dai zai fara fitowa daga bakin sa shine: " Joga- Joga Mugun ciwo".  Duniyar Geography ta fito ne don dinke wannan gibi. Duniyar Geography zata sauw...